張氏一家｜張致恒一家六口賀大仔5歲生日 Steven寄語：唔好似我咁失敗一事無成
撰文： 王明芳
發布時間： 2024/04/11 16:52
▲ 張致恒（Steven）一家六口賀大仔張天寶5歲生日，Steven寄語兒子：「唔好似daddy咁失敗。」
「離婚KOL」夫妻張致恒（Steven）與太太區燕雯（雯雯）經常口講離婚，但也經常被影到一家六口出動。近日兩人大仔張天寶5歲生日，一家六口外出為天寶慶祝生日，簡簡單單買蛋糕甜品慶祝，最重要天寶開心，Steven亦少有分享6口全家福，並寄語兒子「千祈唔好好似daddy咁失敗」。
最新影片推介：
Steven今早（11日）在IG分享了數張家庭照，是一家六口為大仔張天寶慶祝5歲生日的片段，並撰文道：「張天寶五歲生日快樂，轉眼間就已經五歲了，日子過得好快，想當日仲趴喺我心口度瞓覺我喺度打機，而家百厭調皮直情係一隻馬騮。」
他坦言對天寶沒有太大期望，只求他開心健康做人，也不要以爸爸為榜樣，「我冇咩嘢寄望，只係寄望你快高長大～健康成長～努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」最後以「超級愛你的daddy上」作結，字裏行間流露溫情。
張致恒雯雯兒子患自閉症
自嘲一事無成的Steven，還要照顧患有自閉症的兒子，雯雯早前透露其中一名兒子確診自閉症及過度活躍症（ADHD），她罕有多謝老公Steven幫手湊仔，「坦白講照顧呢類小朋友，無論係身心情緒都係好大嘅學習，我一個人真係冇能力。」
雯雯稱患自閉症的兒子最近跌爆耳仔，醫生指這類小朋友一年起碼去幾次急症室，「而家每一日面對佢嘅行為情緒都係一個好大嘅挑戰。」所以小朋友健康成長，永遠是爸媽最期望的。
SEN學童︱張致恒兒子患自閉兼過度活躍 一文看清症狀+快速評估子女風險
張致恒無份工做得長
與雯雯育有4子兼養狗的Steven，一直無份工做得長，無得做歌手後，Steven先後到小食店、街頭派傳單、情趣用品店工作，後來做直播帶貨，今年1月又宣布與雯雯開幕後製作公司，惜公司開業不足一個月後，二人就發表聲明指與網站投資者終止合作。
經常向外表示陷入財困的Steven，曾在社交平台要求網民捐助；早前他又被要求賣明星電話號碼，更點名要Twins蔡卓妍和鍾欣潼的電話號碼，Steven指金額吸引，但就拒絕出售。
下載HKET App，追蹤TOPick WhatsApp頻道，睇全方位資訊：
